ახალი ზელანდიის მორაგბეთა ეროვნული ნაკრები

ვიკიპედიიდან

ახალი ზელანდია
კავშირი	ახალი ზელანდიის რაგბის ფეხბურთის კავშირი
მეტსახელ(ებ)ი	All Blacks
ემბლემა	ვერცხლისფერი გვიმრა
მწვრთნელი	გრაამ ჰენრი
კაპიტანი	რიჩი მაკკოუ
ყველაზე მეტი ლელო	ენდრიუ მერტენსი (967)
ყველაზე მეტი ქულა	შონ ფიცპატრიკი (92)
ყველაზე მეტი ცდა	დაგ ჰაულეტი (49)
გუნდის ფერები		გამოსაც. ფერები
პირველი საერთაშორისო
ავსტრალია 3 - 22  ახალი ზელანდია (15 აგვისტო, 1903)
უდიდესი გამარჯვება
ახალი ზელანდია 145 - 17  იაპონია (4 ივნისი, 1995)
უარესი დამარცხება
ავსტრალია 28 - 7  ახალი ზელანდია (28 აგვისტო, 1999)

All Blacks — ახალი ზელანდიის ეროვნული ნაკრები რაგბის კავშირში, რომელიც ქვეყნის ეროვნული სპორტია. გუნდს მოიხსენიებენ, როგორც ახალი ზელანდიად, ასევე All Blacks-ად. All Blacks არის მნიშვნელოვანი ძალა საერთაშორისო რაგბში და ყავს დამარცხებული მრავალი ძლიერი გუნდი, მათ შორის ”ბრიტანელი და ირლანდიელი ლომები” და ”მსოფლიო XV”. All Blacks ყოველწლიურად ეჯიბრება ავსტრალიის და სამხრეთ აფრიკის (სპრინბოკები) გუნდს ”სამი ერის თასის” ჩემპიონატზე. ჩემპიონატის 12 წლიანი ისტორიის განმავლობაში გუნდმა ჩემპიონობა იზეიმა 8-ჯერ, ხოლო ავსტრალიამ და სამხრეთ აფრიკამ 2-2 ჯერ. საერთაშორისო რაგბის მმართველობის გადაწყვეტილებით, All Blacks-მა დაკარგა ლიდერობა საუკეთესო გუნდების სიაში და გადაინაცვლა მეორე ადგილზე, მას შემდეგ რაც სამხრეთ აფრიკამ მოიგო მსოფლიო ჩემპიონატი. საერთაშორისო რაგბის მმართველობამ 2006 წელს, All Blacks დაასახელა წლის საუკეთესო გუნდად ^[1].

გუნდმა პირველი ბრძოლა გამართა 1884 წელს, ”კუმბერლენდის ქვეყანა, ახალი სამხრეთ უელსი”ს წინააღმდეგ. All Blacks-მა დაასრულეს მათი პირველი მოგებების სერია მათი ზემდგომი გუნდის, სამხრეთ აფრიკის დამარცხებით, ახალ ზელანდიაში, 1956 წელს. ათეული წლის შემდეგ, მათ მიაღწიეს თავიანთ ყველაზე გრძელ მოგებების სერიას, 17 თამაშის მოგებით, 1965 წლიდან 1970 წლამდე. გუნდმა ერთი ტურის განმავლობაში მოუგო ისეთ გუნდებს როგორებიცაა: ინგლისი, ირლანთია, შოტლანდია და უელსი.

ჯგუფის დაარსების ადრეულ წლებში, მათი ფორმის ფერი იყო შავი და სერი. 1905 წლის ტურიდან, All Blacks-ის ფორმა მხოლოდ შავი ფერისგან შედგებოდა, გარდა ვერცხლისფერი გვიმრისა (გერბი), და სახელიც ”All Black” (ყველა შავი) მოდის ამ პერიოდიდან. All Blacks-ის ტრადიციული შესრულება არის ”ჰაკა”, რომელსაც ასრულებს გუნდი ლიდერი, გუნდთან ერთად თამაშის დაწყების წინ.

სექციების სია 1 ისტორია 1.1 რაგბის გავრცელება ახალ ზელანდიაში 1.2 საერთაშორისო შეჯიბრების დაწყება 1.3 რეპუტაციის ჩამოყალიბება 1.4 ადრეული მსოფლიო თასები 1.5 პროფესიონალური ერა 1.5.1 სამი ერის თასი 1.5.2 მსოფლიო ჩემპიონატი 2 ჰაკა 3 ჩანაწერები 3.1 სამი ერის თასი 3.2 მსოფლიო ჩემპიონატი 3.2.1 პოზიციები 3.2.2 საერთო ჩანაწერი მსოფლიო ჩემპიონატზე 3.3 საერთო ჩანაწერი 3.4 ახალი ზელანდია IRB მსოფლიო რეიტინგში 4 მწვრთნელები 5 მოთამაშეები 5.1 ახლანდელი მოთამაშეები 6 სქოლიო 7 რესურსები ინტერნეტში

[რედაქტირება] ისტორია

[რედაქტირება] რაგბის გავრცელება ახალ ზელანდიაში

ახალ ზელანდიას პირველად რაგბი გააცნო ჩარლზ მონრომ, 1860 იანი წლების დასასრულს. თვითონ მონრომ კი ეს სპორტი აღმოაჩინა ინგლისში, როდესაც სწავლობდა კრისტის კოლეჯში. ამ სპორტმა ახალ ზელანდიაში ადგილის დამკვიდრება დაიწყო 1870 წლის მაისში. ახალი ზელანდიის პირველი საერთაშორისო თამაში გაიმართა 1882 წელს, როდესაც სამხრეთის რაგბის კავშირი (შემდგომ ახალი სამხრეთ უელსის რაგბის კავშირი) იმყოფებოდა ახალ ზელანდიაში. მოგზაურები ეთამაშნენ ორ ორჯერ ოკლენდის პროვინციის გუნდს და ველინგტონს, ხოლო თითო თითოჯერ კანტერბურის, ოტაგო და დასავლეთ სანაპიროს, ჩრდილოეთ ირლანდიას. გუნდმა მოიგო 4 და წააგო 3 თამაში. 2 წლის შემდეგ, ახალი ზელანდიის გუნდი ახალ სამხრეთ უელსში მოგზაურობდა. ახალმა ზელანდიამ ითამაშა და მოიგო 8 თამაში.

[რედაქტირება] საერთაშორისო შეჯიბრების დაწყება

პირველად, ახალმა ზელანდიამ ტურნე გამართა ახალ სამხრეთ უელსში, 1894 წელს. ამ წლებში მათ ითამაშეს პირველი საერთაშორისო თამაში ახალ სამხრეთ უელსთან და წააგეს 8-ით 6 ^[2]. მაგრამ ამ ყველაფრის მიუხედავათ, გუნდის პირველ საერთაშორისო თამაშად ითვლება ავსტრალიასთან დაპირისპირება, 1903 წლის 15 აგვისტოს. თამაში დასრულდა ახალი ზელანდიის გამარჯვებით, ანგარიშით 22-ით 3^[3].

აღსანიშნავია ახალი ზელანდიის პირველი ტური ბრიტანეთში, 1905 წელს. გუნდის სახელის, ”all black”-ის დარქმევის იდეა ამ ტურის პერიოდიდან მოდის^[4].

[რედაქტირება] რეპუტაციის ჩამოყალიბება

ახალი ზელანდიის კონკურენცია სამხრეთ აფრიკასთან დაიწყო 1921 წელს, როდესაც სამხრეთ აფრიკის გუნდი იმყოფებოდა ახალ ზელანდიაში. მოგვიანებით All Blacks-იც ჩავიდა სამხრეთ აფრიკაში 1928 წელს.

1924 წელს, ახალი ზელანდიის ტურისტებმა დიდ ბრიტანეთში, გუნდი საბოლოოდ შერაცხეს ”დაუმარცხებლებად”, რადგან ისინი იგებდნენ ყველა თამაშს. ახალმა ზელანდიამ ტური გამართა ბრიტანეთში 1930 წელს, თუმცა ლომებმა მოიგეს პირველი თამაში. ამის შემდეგ, უკვე 1935-36 წლებში, ახალი ზელანდია ისევ ჩავიდა ბრიტანეთში და წააგო მხოლოდ 3 თამაში, 30 თამაშიდან^[5].

1937 წელს, სამხრეთ აფრიკამ დაამარცხა All Blacks, როდესაც მათ ქონდათ ტური ახალ ზელანდიაში. 1937 წლის სამხრეთ აფრიკის გუნდი დასახელებული იქნა საუკეთესო გუნდათ, იმათ შორის რომლებიც იმყოფებოდნენ ახალ ზელანდიაში^[6][7]. 1949 წელს, მეორე მსოფლიო ომის დასრულების შემდეგ, All Blacks ეთამაშა სპრინგბოკებს, სამხრეთ აფრიკაში. ტურში უნდა აღინიშნოს რეპუტაცია დაკარგული All Blacks-ის ჩანაწერი: ორი წაგებული თამაში ერთ დღეში. ამ დროისთვის ავსტალიას ტური ქონდა ახალ ზელანდიაში. 3 სექტემბრის ნაშუადღევს (ახალი ზელანდიის დროით), All Blacks, ჯონი სმიტის კაპიტნობით, დამარცხდა ავსტარლიასთან, ანგარიშით 11-ით 6^[8]. ამის შემდეგ გუნდმა წააგო სამხრეთ აფრიკასთანაც, ანგარიშით 9-ით 3^[9]. ამას მოყვა მათი კიდევ ერთი თამაშის წაგება, რითაც ავსტრალიამ ”ბლედისლიოს თასი” მოიგო.

1959 წელს, All Blacks-მა მოუგო ლომებს, და სწორედ ამ პერიოდიდან დაიწყო მათი გაბატონება რაგბის სამყაროში. 1963-64 წელს, გუნდი ქონდა დიდ ბრიტანეთში ტური, ვილსონ ვინრის ლიდერობით. გუნდი მთლიანი ტურის განმავლობაში, მხოლოდ ერთხელ დამარცხდა ნიუსპორტთან. სწორედ ამ ტურის განმავლობაში, გუნდმა დაამყარა რეკორდი ყველაზე გრძელ მოგებების სერიაში: 17 მოგებული თამაში 1965 წლიდან 1970 წლამდე ^[10].

[რედაქტირება] ადრეული მსოფლიო თასები

1987 წლის რაგბის მსოფლიო ჩემპიონატზე, ახალმა ზელანდიამ დაამარცხა ფიჯი, იტალია, არგენტინა, უელსი, შოტლანდია და გავიდა ფინალში, სადაც მოუგო საფრანგეთს, ანგარიშით 29–9. ამ ჩემპიონატში ახალმა ზელანდიამ დათმო მხოლოდ 52 ქულა, ხოლოდ მოწინააღმდეგე გუნდს დაუდო 43 ლელო 6 თამაშში.

1991 წლის რაგბის მსოფლიო ჩემპიონატზე, ახალი ზელანდია ჯგუფიდან გავიდა სამი მოგებით. მეოთხედფინალში კანადა დაამარცხა ანგარიშით 29-13 და ნახევარ ფინალში დაუპირისპირდა ავსტრალიას, რომელთანაც 16-6 წააგო. გუნდი მესამე ადგილისთვის შეეჯიბრა შოტლანდიას და დაამარცხა ანგარიშით 13-6.

1995 წლის რაგბის მსოფლიო ჩემპიონატი, რომელიც გაიმართა სამხრეთ აფრიკაში, ახალმა ზელანდიამ კარგად იასპარეზა, მაგრამ თავის მოპოვება ვერ შეძლო. გუნდმა ფინალამდე მოუგო ისეთ გუნდებს როგორებიცაა: შოტლანდია, ინგლისი, უელსი, ირლანდია, ხოლო ფინალში დამარცხდა სამხრეთ აფრიკასთან, ანგარიშით 15-12.

[რედაქტირება] პროფესიონალური ერა

[რედაქტირება] სამი ერის თასი

პროფესიონალური ერა რაგბში დაიწყო 1995 წელს, როდესაც შეიქმნა ”Super 12”-ის შეჯიბრება და "სამი ერის თასი"^[11]. პირველი სამი ერის თასი ჩატარდა 1996 წელს, ახალი ზელანდიის გამარჯვებით. გუნდმა მოიგო ოთხივე თამაში და გახდა თასის მფლობელი^[12].

მომდევნო, 1997 წლის სამი ერის თასის გამარჯვებულიც ახალი ზელანდია გახდა, რომელმაც მოიგო თასი ოთხივე თამაშის მოგებით^[13]. შემდეგ წელს, ახალმა ზელანდიამ გამარჯვება დაუთმო სამხრეთ აფრიკას. ამ წელს ახალმა ზელანდიამ ცუდათ ითამაშა და ოთხი თამაშიდან ოთხივე წააგო^[14]. მთელი ისტორიის განმავლობაში, ეს იყო მეორე შემთხვევა, როდესაც ახალმა ზელანდიამ ოთხი თამაში წააგო ზედიზედ.

1999 წელს, ახალმა ზელანდიამ კვლავ მოიგო სამი ერის თასი. ამ ჩემპიონატში აღსანიშნავია თამაში, სადაც ახალმა ზელანდიამ 28-0 სძლია სამხრეთ აფრიკას. მომდევნო ორი წლის განმავლობაში, ჩემპიონატი მოიგო ავსტრალიამ. 2002 წელს თასს დაეუფლა კვლავ ახალი ზელანდია, რასაც მოყვა 2003 წლის დამაჯერებელი გამარჯვება. 2004 წელს ჩემპიონატზე გამარჯვება ერგო სამხრეთ აფრიკას. ამ ჩემპიონატზე სამივე გუნს ქონდა ორი მოგება და ორი წაგება. სამხრეთ აფრიკამ აჯობა ავსტრალიას და ახალ ზელანდიას მხოლოდ აღებული ქულებით. მომდევნო სამი წლის განმავლობაში ახალ ზელანდიას ვერცერთმა სხვა გუნდმა ვერ აჯობა და სამივე წლის თასიც მას ერგო.

[რედაქტირება] მსოფლიო ჩემპიონატი

1999 წლის მსოფლიო ჩემპიონატზე, ახალმა ზელანდიამ სძლია ჯგუფურ ეტაპზე ინგლისს, ანგარიშით 30-16. აღსანიშნავია ასევე იტალიასთან დიდი ანგარიშით გამარჯვება - 101-3. ჯგუფიდან გასვლის შემდეგ, ახალმა ზელანდიამ დაამარცხა შოტლანდია ანგარიშით 30-18 და დაუპირისპირდა ნახევარფინალში საფრანგეთს. დიდი ბრძოლის შემდეგ, ახალი ზელანდია დამარცხდა, ანგარიშით 31-43.

2003 წლის მსოფლიო ჩემპიონატზე, ახალი ზელანდია ჯგუფიდან გავიდა ოთხივე თამაშის მოგებით. მეოთხედფინალში იგი შეხვდა სამხრეთ აფრიკას და ძლია ანგარიშით 29-9 და დაუპირისპირდა ნახევარფინალში ავსტრალიას. ახალი ზელანდია დამარცხდა, ანგარიშით 22-10.

2007 წლის მსოფლიო ჩემპიონატზე, ახალმა ზელანდიამ არც ისე კარგად იასპარეზა. ჯგუფიდან ოთხივე მოგებით გავიდა და მეოთხედფინალში საფრანგეთთან დამარცხდა, ანგარიშით 18-20.

[რედაქტირება] ჰაკა

ახალი ზელანდია ასრულებს ჰაკას (მაორის ცეკვა) ყოველი საერთაშორისო თამაშის დაწყების წინ. ეს ტრადიცია ახალმა ზელანდიამ დაიწყო 1884 წელს, ახალი სამხრეთ უელსის ტურის დროს. ახალი ზელანდიის ეროვნულმა გუნდმა, რომელიც იმყოფებოდა ტურნეზე ბრიტანეთში, 1889 წელს, გამოიყენა Ake Ake Kia Kaha, ხოლო 1903 წელს, როდესაც გუნდი იმყოფებოდა ავსტრალიაში - Tupoto koe, Kangaru! 1905 წლიდან, გუნდმა ტრადიციულად დაიწყო Ka Mate-ს გამოყენება და 1914 წლისთვის, ეს იყო ახალი ზელანდიის ეროვნული ნაკრების ერთერთი მნიშვნელოვანი ნაწილი^[15]. 2005 წლის 28 აგვისტოს, სამი ერის თასის ერთერთი თამაშის, სამხრეთ აფრიკა ახალი ზელანდიის დაწყების წინ, ახალმა ზელანდიამ შეასრულა ახალი ჰაკა Kapa o Pango.

[რედაქტირება] ჩანაწერები

[რედაქტირება] სამი ერის თასი

ახალ ზელანდიას სამი ერის თასი აქვს მოგებური რვაჯერ, ავსტალიასა და სამხრეთ აფრიკას კი ორ-ორჯერ.

ქვეყანა	თამაშები				ქულები			დამატებითი ქულები	საერთო ქულები	ჩემპიონის წოდება
	თამაშის რაოდ.	მოგება	ფრე	წაგება	გატანილი	მიღებული	სხვაობა
ახალი ზელანდია	50	35	0	15	1364	983	+381	23	163	8
ავსტრალია	50	20	1	29	1055	1140	-95	25	107	2
სამხრეთ აფრიკა	50	19	1	30	1006	1292	-286	17	95	2

განახლებულია 21 ივლისი 2007

[რედაქტირება] მსოფლიო ჩემპიონატი

ახალმა ზელანდიამ მსოფლიო ჩემპიონატზე ითამაშა 36 თამაში, რომელთაგანაც 30 მოიგო და 6 წააგო. ახალი ზელანდია არის ერთადერთი გუნდი, რომელმაც 1987 წლიდან 2003 წლამდე ყველა ნახევარფინალში ითამაშა, მაგრამ 2007 წელს, მეოთხედფინალში საფრანგეთმა სძლია. გუნდმა მსოფლიო ჩემპიონატი მოიგო მხოლოდ ერთხელ, 1987 წელს, დამაჯერებელი გამარჯვებით. 1991 წელს, გუნდი დამარცხდა ნახევარფინალში ავსტრალიასთან, შემდეგ კი შოტლანდიას მოუგო და დაიკავა მესამე ადგილი. 1995 წელს, გუნდმა მიაღწია ფინალამდე, თუმცა სამხრეთ აფრიკამ სძლია, ანგარიშით 15-13. 1999 წელს, ახალმა ზელანდიამ წააგო ნახევარფინალში საფრანგეთთან, და მესამე ადგილის მოსაპოვებლად დაუპირისპირდა სამხრეთ აფრიკას, სადაც 18-20 დამარცხდა. 2003 წელს, ახალი ზელანდია დამარცხდა ნახევარფინალში ავსტალიასთან და მესამე ადგილის მოსაპოვებლად საფრანგეთს შეხვდა, სადაც 40-13 მოიგო. უკვე 2007 წელს, ახალი ზელანდია დამარცხდა მეოთხედფინალში საფრანგეთთან, ანგარიშით 18-20^[16], აქამდე ისინი იყვნენ ერთადერთი გუნდი, რომელმაც მიაღწია ნახევარფინალამდე ყოველ ჩემპიონატში ^[17]

მსოფლიო ჩემპიონატზე, ახალმა ზელანდიამ დაამყარა რამოდენიმე რეკორდი: ყველაზე მეტი ქულა ერთ თამაშში (145 ქულა იაპონიის წინააღმდეგ 1995 წელს)^[18], ყველაზე მეტი გატანილი ქულა ყველა მსოფლიო ჩემპიონატის განმავლობაში (1,711 ქულა)^[19], ყველაზე მეტი ლელო ყველა მსოფლიო ჩემპიონატის განმავლობაში (232 ლელო), ყველაზე მეტი გატანილი გარდასახვა ყველა მსოფლიო ჩემპიონატის განმავლობაში (173). ასავე ახალი ზელანდიის მოთამაშეების დამყარებული რეკორდები: იოჰან ლომუ - ყველაზე მეტი ლელო (15 ლელო ორი მსოფლიო ჩემპიონატის განმავლობაში)^[20], სინ ფიტზპატრიკი - ყველაზე მეტი თამაში (17 თამაში 1987 დან 1995 წლამდე), მარკ ელისი - ყველაზე მეტი ლელო ერთ თამაშში (6 ლელო იაპონიის წინააღმდეგ 1995 წელს)^[21], გრენტ ფოქსი - ყველაზე მეტი ქულა ერთ ჩემპიონატში (126 ქულა 1987 წელს) და სიმონ კულჰანი - ყველაზე მეტი ქულა ერთ თამაშში (45 ქულა იაპონიის წინააღმდეგ 1995 წელს).

[რედაქტირება] პოზიციები

• 1987 პირველი
• 1991 მესამე
• 1995 მეორე
• 1999 მეოთხე
• 2003 მესამე
• 2007 მეოთხედფინალიდან გავარდა

[რედაქტირება] საერთო ჩანაწერი მსოფლიო ჩემპიონატზე

მოწინააღმდეგე ნაკრები	თამაშების რაოდენობა	მოგება	ფრე	წაგება	გატანილი ქულა	მიღებული ქულა	ქულების სხვაობა	მოგების პროცენტულობა
იტალია	5	5	-	-	348	51	+297	100
შოტლანდია	5	5	-	-	161	57	+104	100
უელსი	3	3	-	-	136	52	+84	100
ინგლისი	3	3	-	-	93	57	+36	100
ტონგა	2	2	-	-	136	16	+120	100
კანადა	2	2	-	-	97	19	+78	100
იაპონია	1	1	-	-	145	17	+128	100
პორტუგალია	1	1	-	-	108	13	+95	100
რუმინეთი	1	1	-	-	85	8	+77	100
ფიჯი	1	1	-	-	74	13	+61	100
აშშ	1	1	-	-	46	6	+40	100
არგენტინა	1	1	-	-	46	15	+31	100
ირლანდია	1	1	-	-	43	19	+24	100
საფრანგეთი	4	2	-	2	118	85	+33	50
სამხრეთ აფრიკა	3	1	-	2	59	46	+13	33
ავსტრალია	2	-	-	2	16	38	-22	0
საერთო	36	30	-	6	1711	506	+1205	83.33

[რედაქტირება] საერთო ჩანაწერი

ახალ ზელანდიას აქვს მოგებული 318 თამაში 429-დან, რომლის მოგების პროცენტულობა 74.1%-ია. ამის მიხედვით, ახალი ზელანდია არის ყველაზე წარმატებული ეროვნული ნაკრები რაგბის გუნდების ისტორიაში.

ახალი ზელანდიის თამაშების ცხრილი, ყველა სხვა ნაკრებთან. განახლებულია: 4 ნოემბერი, 2007 წ^[22].

მოწინააღმდეგე ნაკრები	თამაშების რაოდენობა	მოგება	წაგება	ფრე	მოგების პროცენტულობა
ავსტრალია	128	85	38	5	66.4%
სამხრეთ აფრიკა	72	40	29	3	55.6%
საფრანგეთი	46	34	11	1	73.9%
ბრიტანელი და ირლანდიელი ლომები	34	26	6	2	76.5%
ინგლისი	29	22	6	1	75.7%
შოტლანდია	26	24	0	2	92.3%
უელსი	23	20	3	0	87%
ირლანდია	20	19	0	1	95%
არგენტინა	13	12	0	1	92.3%
იტალია	9	9	0	0	100%
სამოა	4	4	0	0	100%
ფიჯი	4	4	0	0	100%
კანადა	4	4	0	0	100%
ტონგა	3	3	0	0	100%
ანგლო-ველში	3	2	0	1	66.7%
მსოფლიო XV	3	2	1	0	66.7%
რუმინეთი	2	2	0	0	100%
აშშ	2	2	0	0	100%
დიდებული ბრიტანეთი	1	1	0	0	100%
იაპონია	1	1	0	0	100%
მშვიდობიანი კუნძულზე მცხოვრებნი	1	1	0	0	100%
პორტუგალია	1	1	0	0	100%
საერთო	429	318	94	17	74.1%

[რედაქტირება] ახალი ზელანდია IRB მსოფლიო რეიტინგში

[რედაქტირება] მწვრთნელები

სახელი	წელი	თამაში	მოგება	ფრე	წაგება	მოგების პროცენტულობა
ალექს მაქდონალდი	1949	4	0	0	4	0%
ტომ მორისონი	1950, 5, 55–56	12	8	1	3	66.7%
ლენ კლოუდი	1951	3	3	0	0	100%
არტურ მარსლინი	1953–1954	5	3	0	2	60%
დიკ ევერესტი	1957	2	2	0	0	100%
კეჯ სულივანი	1958–1960	11	6	1	4	54.5%
ნეილ მაქფაილი	1961–1965	20	16	2	2	80%
რონ ბუში	1962	2	2	0	0	100%
ფრედ ალენი	1966–1968	14	14	0	0	100%
ივან ვოდანოვიჩი	1969–1971	10	4	1	5	40%
ბობ დაფი	1972–1973	8	6	1	1	75%
ჯონ სტივარტი	1974–1976	11	6	1	4	54.5%
ჯეკ გლისონი	1977–1978	13	10	0	3	76.9%
ერიც ვოტსონი	1979–1980	9	5	0	4	55.5%
პიტერ ბურკი	1981–1982	11	9	0	2	81.8%
ბრაის როუპი	1983–1984	12	9	1	2	75%
ბრაიან ლოჩორი	1985–1987	18	14	1	3	77.7%
ალექს ვილი	1988–1991	29	25	1	3	86.2%
ლაური მეინსი	1992–1995	34	23	1	10	67.6%
ჯონ ჰარტი	1996–1999	41	31	1	9	75.6%
უეინ სმიტი	2000–2001	17	12	0	5	70.5%
ჯონ მიჩელი	2002–2003	28	23	1	4	82.1%
გრაჰამ ჰენრი	2004–	48	42	0	6	87.5%

[რედაქტირება] მოთამაშეები

[რედაქტირება] ახლანდელი მოთამაშეები

ახალი ზელანდიის მოთამაშეები 2007 წლის მსოფლიო ჩემპიონატზე.

უკანა მოთამაშე პოზიცია| დანიელ კარტერი პივოტი ნიკ ევანსი პივოტი ფულბეკი ენდრიუ ელისი+ ჰავბეკი დუგ ჰოულეტი გარემარბი ბეირონ კელეჰერი ჰავბეკი ბრენდონ ლეონარდი ჰავბეკი ლეონ მაქდონალდი ფულბეკი ლუკ მქალისტერი პივოტი შუამარბი აარონ მაუგერი შუამარბი მილს მუიალინა ფულბეკი შუამარბი გარემარბი კონრად სმიტი შუამარბი ჯო როკოსოკო გარემარბი სიტივენი სივივატუ გარემარბი ისაია ტოეავა შუამარბი გარემარბი

წინა მოთამაშე პოზიცია| კერი კოლინსი მესამეხაზელი კარლ ჰეიმენი ბურჯი ენდრიუ ჰოური ჰუკერი კრის ჯეკი მეორეხაზელი სიონი ლაუაკი+ რვა ნომერი მესამეხაზელი კრის მასოი მესამეხაზელი რვა ნომერი რიკი მაქქოუ (კაპიტანი) მესამეხაზელი კევინ მილამუ ჰუკერი ანტონ ოლივერი ჰუკერი კეიტ რობინსონი მეორეხაზელი გრეგ სომერვილი + ბურჯი როდნი სო’ოიალო რვა ნომერი რიბენ ტორნი მესამეხაზელი მეორეხაზელი ნიმია ტიალატა ბურჯი ალი ვილიამსი მეორეხაზელი ტონი ვუდკოკი ბურჯი

+ არ მიუღია მონაწილეობა 2007 წლის სამი ერის თასის გათამაშებაში^[23]

[რედაქტირება] სქოლიო