აჭანდარა (გუდაუთის მუნიციპალიტეტი)

აჭანდარა — სოფელი საქართველოში, აფხაზეთის ავტონომიურ რესპუბლიკის გუდაუთის მუნიციპალიტეტში. მდებარეობს ჭბაართსა და დოხურთს შორის. თემის ცენტრი (სოფლები: აჭანდარა, აოსირხვა, აუალიცა, ქვაბურთა, ძიბზირი, წვინდირთა, ხაბიუ, ჯგითირხვა). ზღვის დონიდან 150 მ, შავი ზღვიდან 13 კმ, გუდაუთიდან 18 კმ.

აჭანდარაში შემორჩენილია რამდენიმე დოლმენი (ძვ. წ. II ათასწლეულის I ნახევარი). იქვეა ადრინდელი ფეოდალური ეპოქის ციხის ნანგრევები.

ეტიმოლოგია

ამ სოფელში დღემდე დგას უზარმაზარი ჭადარი, რომელიც ალბათ ათასი წლისა იქნება. ალბათ ამ ხეს უკავშირდება სოფლის სახელი აჭანდარა, სადაც პირველი ა აფხაზურისათვის დამახასიათებელი თავსართია, ხოლო ა ქონების მნიშვნელი სუფიქსია და საკმაოდ ხშირად გვხვდება ქართულში (მაგალითად: ქოჩორა, წვერა, ბოლოშავა, თავშიშველა და ა.შ). ფუძე ამ სიტყვისა არის ჭანდარი, რომელიც ჭადარის პარალელურად გვხვდება როგორც დიალექტებში ასევე მხატვრულ ლიტერატურაშიც.

ლიტერატურა

• ენციკლოპედია „საქართველო“, ტ. 1, თბ., 1997. — გვ. 273.

• ქართული საბჭოთა ენციკლოპედია, ტ. 2, თბ., 1977. — გვ. 77.
• ზურაბ ჭუმბურიძე, რა გქვია შენ?, თბილისი 1966, გვ. 47-48