აფიანჩა

აფიანჩა
კოორდინატები: 42°59′33″ ჩ. გ. 41°16′49″ ა. გ.
ქვეყანა	საქართველო
ტერიტორიული ერთეული	გულრიფშის მუნიციპალიტეტი
სიმაღლე	1060 მ
ამგებელი ქანები	კირქვა

აფიანჩა — მთა საქართველოში, აფხაზეთის ავტონომიურ რესპუბლიკაში, გულრიფშის მუნიციპალიტეტში. მდებარეობს მდინარე კოდორის მარჯვენა მხარეს. სიმაღლე ზღვის დონიდან 1060 მ. ანტიკლინის ბირთვი აგებულია ბაიოსური პორფირიტებით, ფრთები — ზედაიურული და ცარცული კირქვებით, კალთებზე წიფლნარია, მთის ძირთან — წიფლნარ-რცხილნარი მარადმწვანე ქვეტყითა და ლიანებით. აფიანჩის მთის ძირას გაშენებულია სოფლები: ოქტომბერი და ქვემო აფიანჩა.

ლიტერატურა

• ქართული საბჭოთა ენციკლოპედია, ტ. 2, თბ., 1977. — გვ. 17.