არჩიბელები

არჩიბელები (საკუთარი სახელწოდება аршишттиб არშიშტუბ) — დასავლეთ დაღესტნის მცირერიცხოვანი ხალხი, დაახლოებით 1 200 კაცი (2006). ცხოვრობენ სოფელ არჩიბში და ჭარადის რაიონის ზოგიერთ სოფელში. ლაპარაკობენ არჩიბულ ენაზე. მორწმუნენი სუნიტი მუსლიმანები არიან. არჩიბელების ძირითადი საქმიანობაა მესაქონლეობა (უმთავრესად მეცხვარეობა). მოჰყავთ ქერი და ხორბალი.

ლიტერატურა

• ქართული საბჭოთა ენციკლოპედია, ტ. I, გვ. 614, თბ., 1975 წელი.