არშიისებრნი

არშიისებრნი (Tingitidae), მწერების ოჯახი ნახევრადხეშეშფრთიანების რიგისა. აქვთ ბადისებრ-უჯრედული აგებულიბისა და არშიის მსგავსი ზედა ფრთები (აქედაა ოჯახის სახელწოდებაც). სხეულის სიგრძე 1,5–5 მმ. თათები ორწილაკოვანია. ცნობილია 300-ზე მეტი სახეობა, მათგან საქართველოში — 26. უფრო ხშირად გვხვდება მსხლის ბაღლინჯო (Stephanitis pyri), რომელიც გავრცელებულია მთელ საქართველოში და აზიანებს ვაშლის, მსხლისა და კურკოვანი მცენარეების ფოთლებს.

ლიტერატურა

• ქსე, ტ. 1, გვ. 613-614, თბ., 1975