| ქალაქი
არდაბილი
اردبیل
|
შეიხ სეფი-ად-დინის მავზოლეუმი |
|
არდაბილი (სპარს. اردبیل; აზერ. Ərdəbil اردبیل ) - არის ისტორიული ქალაქი ჩრდილოეთ ირანში. სახელი არდაბილი მომდინარეობს ზოროასტრული სიტყვა "ართავილიდან", რაც წმინდა ადგილ ნიშნავს.[1] არდაბილი წარმოადგენს ამავე სახელწოდების პროვინციის ადმინისტრაციულ ცენტრს და უდიდეს ქალაქს. 2006 წლის აღწერის შედეგად აქ ცხოვრობდა 421 248 კაცი, ეთნიკური თვალსაზრისით მოსახლეობის უმრავლესობაში არიან აზერბაიჯანელები. ეს დასახლება ცნობილია თავისი ხალიჩების წარმოებით. არდაბილში მდებარეობს მრავალი ისტორიული შენობა. აქ არსებული შეიხ სეფი-ად-დინის მავზოლეუმი იუნესკოს მიერ მსოფლიო მემკვიდრეობადაა აღიარებული.
არდაბილი პირველად მოხსენიებულია სასანიდურ წყაროებში. შუა საუკუნეებში არდაბილში საკმაოდ განვითარებული იყო ვაჭრობა. 1220 წელს ქალაქი აიღეს და დაანგრიეს მონღოლებმა, თუმცა ის მოგვიანებით აღდგა.
არდაბილი მდებარეობს კასპიის ზღვიდან დაახლოებით 70 კილომეტრის დაშორებით. ამ დასახლებიდან 210 კილომეტრში არის ქალაქი თავრიზი. ქალაქი მდებარეობს ზღვის დონიდან 1351 მეტრ სიმაღლეზე, დასახლების ფართობი შეადგენს 18,011 კმ²-ს.
დასახლების აღმოსავლეთით მდებარეობს მთა სავალანი (4,811 მ).
[რედაქტირება] არდაბილის მნიშვნელოვანი შენობები
- ისტორიულ-არქიტექტორული კომპლექსი (XVI—XVII სს.) შეიხ სეფი-ად-დინის მავზოლეუმი - შესულია იუნესკოს მსოფლიო მემკვიდრეობის ძეგლთა სიაში.
- მირზა ალი ალეკბერას მეჩეთი
- იმამზანდა სალეჰას მუზეუმი
- არდაბილის მუზეუმი
- ძველი ხიდები რომლებიც ძირითადად სეფიანების მმართველობის პერიოდში აიგო.
- წმინდა მარიამის სომხური ეკლესია
