აპარანი - ქალაქი სომხეთში, არაგაწოტნის ოლქში. მდებარეობს ერევნიდან ჩრდილოეთ-დასავლეთით 59 კილომეტრზე, მდინარე ქასაღის ნაპირებზე, აპარანის წყალსაცავის ზემოთ, არაგაცის მთის აღმოსავლეთ კალთაზე. ქალაქში გადის ავტომაგისტრალი ერევანი-სპიტაკი.
ისტორიულ წყაროებში პირველად მოიხსენიება ძვ. წ. II საუკუნეში კასალას სახელწოდებით. V საუკუნეში ეწოდა კასახი, სწორედ ამ პერიოდშია აშენებული კასახის ბაზილიკა, რომელიც ჩვენამდეა მოღწეული. თანამედროვე სახელწოდება მიიღო X საუკუნეში. იგი წარმოსდგება სომხური სიტყვიდან Ապարանք (სასახლე).
მოსახლეობის რაოდენობა 1831 წელს იყო 386 ადამიანი, 1837 წელს - 1353, 1914 წელს - 2332, 1919 წელს - 2205, 1931 წელს - 2666, 1959 წელს - 2662, 1970 წელს - 5969, 1979 წელს - 5990, 2001 წელს - 5711, ხოლო 2008 წლის მონაცემებით აპარანის მოსახლეობა შეადგენს 6158 ადამიანს.
[რედაქტირება] რესურსები ინტერნეტში
