ანსარი (სუდანი)

მუჰამად აჰმადი, ანსარის მოძრაობის

ანსარი (არაბ. أنصار, მიმდევარი) — სუდანში გავრცელებული სუფისტური მოძრაობა, რომლის წევრებიც თავს თვით გამოცხადებული მაჰდის მუჰამად აჰმადის მოწაფეებად მიიჩნევენ.

სუდანი 1820–21 წლებში მოექცა ოსმალური ეგვიპტის გავლენის ქვეშ. 1881 წლის 29 ივნისს მუჰამად აჰმადმა სუდანის რელიგიურმა ლიდერმა თავი მაჰდიდ გამოაცხადა და დაიწყო ეგვიპტის წინააღმდეგ ბრძოლა. მისმა მიმდევრებმა გარკვეულ წარმატებებს მიაღწიეს და 1885 წლის იანვარში შეძლეს ხარტუმის აღება. ამ მოვლენიდან ამდენიმე თვეში აჰმადი გარდაიცვალა. მისი საქმე გააგრძელა აბდალაჰი იბნ მუჰამადმა, რომელმაც მაჰდისტური სუდანის დამოუკიდებლობის შენარჩუნება 1898 წლამდე შეძლო. აჰმადის უფროსი გადარჩენილი შვილი აბდ ალ-რაჰმან ალ-მაჰდი ანგლო-ეგვიპტური სუდანის (1898-1955) პერიოდში წარმოადგენდა მნიშვნელოვან პოლიტიკურ და სულიერ ლიდერს, ასევე 1956 წელს სუდანის მიერ დამოუკიდებლობის მოპოვების შემდეგ რამდენიმე წელი.

მისი შთამომავლები დღემდე არიან მოძრაობის ლიდერები.

იხილეთ აგრეთვე

• მაჰდისტების აჯანყება

ლიტერატურა

• Ansar of Sudan. BERKLEY CENTER for Religion, Peace & World Affairs. დაარქივებულია ორიგინალიდან — 2012-03-23. ციტირების თარიღი: 2011-08-27.
• Fadlalla, Mohamed H. (2004). Short History of Sudan. iUniverse. 
• Keddie, Nikki R. (1972). Scholars, saints, and Sufis: Muslim religious institutions in the Middle East since 1500. University of California Press.