ანდრომედა (ტელესერიალი)

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
Disambig-dark.svg სიტყვას „ანდრომედა“ აქვს სხვა მნიშვნელობებიც, იხილეთ ანდრომედა (მრავალმნიშვნელოვანი).
ანდრომედა
Gene Roddenberry’s Andromeda.jpeg
ფორმატი სამეცნიერო ფანტასტიკა
ავტორი ჯინ როდენბერი
მონაწილეობენ კევინ სორბო
ლექსა დოიგი
ლიზა რაიდერი
კიტ ჰამილტონ კობი
ლორა ბერტრამი
გორდონ მაიკლ ვულვეტი
ბრენდი ლედფორდი
ბრენტ სტეინი
სტივ ბაკიჩი
ქვეყანა აშშ
კანადა
სეზონი 5
ეპიზოდი 110
კომპანია
ხანგრძლივობა 45 წთ.
ეთერი
ორიგინალური არხი Global TV, Sci-Fi Channel
პირველად ეთერში 2 ოქტომბერი 2000
უკანასკნელად ეთერში 13 მაისი 2005

ანდრომედა (ინგლ. Gene Roddenberry’s Andromeda) — კანადურ-ამერიკული სამეცნიერო ფანტასტიკური ტელესერიალი. შექმნილია ჯინ როდემბერის იდეის მიხედვით მისი სიკვდილის შემდეგ.[1]

სუჟეტი[რედაქტირება]

სერიალის მოქმედება მიმდინარეობს შორეულ მომავალში, თანამეგობრობის სისტემის გარშემო. თანამეგობრობა მოიცავს სამ გალაქტიკას და ითვლება უტოპიურ საზოგადოებად, თუმცა რელურად იმყოფება ომის მდგომარეობაში მაგოგებთან (აგრესიული ჰუმანოიდური რასა ღამურის მსგავსი სახით). სამშვიდობო მოლაპარაკების შედეგად თანამეგობრობამ მაგოგებს დაუთმო პლანეტა რომელიც დასახლებული იყო ნიცშეანელებით (თანამეგობრობის წევრი, გენეტიკურად შეცვლილი რასა). ნიცშეანელები უკმაყოფილო დარჩნენ ამ შეთანხმებით და თავს დაესხნენ თანამეგობრობას.

სერიალის მთავარი გმირი დილან ჰანტი არის თანამეგობრობის კრეისერ „ანდრომედას თანავარსკვლავედის“ კაპიტანი. ხომალდი აღჭურვილია მძლავრი ხელოვნული ინტელექტით, რომელიც ასევე სერიალის მთავარ გმირს წარმოადგენს.

„ანდრომედა“ ღებულობს უბედურების სიგნალს ნიცშეანელებისგან და გაემართება დასახმარებლად, თუმცა აღმოჩნდება რომ ეს ხაფანგია. დილანი იძულებულია მოახდინოს ხომალდის ევაკუაცია, თვითონ კი მარტო ცდილობს „ანდრომედას“ გადარჩენას. თავისი მეგობარი და პირველი ოფიცერი აღმოჩნდება მოღალატე. იგი ცდილობს დილანის მოკვლას. დილანი ასწრებს და კლავს მას, მაგრამ ორთაბრძოლისას ხომალდი აღმოჩნდება შავი ხვრელის საზღვარზე და დროში „გაიყინება“. მხოლოდ 303 წლის შემდეგ მას ამოიყვანს „ევრიკა მარუ“ ბეკა ვალენტაინის მეთაურობით. „ევრიკას“ ეკიპაჟს გონია რომ ანდრომედა ცარიელია და აპირებენ მის გაყიდვას, თუმცა დილანი არ ანებეს მათ ამას. ის გებულობს რომ ომი თანამეგობრობის განადგურებით დასრულდა და სამყარო ქაოსითაა მოცული. დილანი გადაწყვეტს აღადგინოს თანამეგობრობა და სთავაზობს „ევრიკის“ ეკიპაჟს შეუერთდენ მას. მცირე ყოყმანის შემდეგ ისინი თანხმდებიან.

პერსონაჟები[რედაქტირება]

მთავარი გმირები[რედაქტირება]

სერიალის მთავარი გმირებია[2][3]:

პერსონაჟი მსახიობი სტატუსი ანდრომედაზე აღწერა
დილან ჰანტი კევინ სორბო „ანდრომედას თანავარკვლავედის“ კაპიტანი ვარსკვლავური გვარდიის ოფიცერი. 303 წელი გაატარა შავ ხვრელში, საიდანაც თავის დაღწევის შემდეგ აღმოაჩინა რომ თანამეგობრობა განადგურებულია და გადაწყვეტს რადაც არ უნდა დაუჯდეს აღადგინოს იგი.
ბეკა ვალენტაინი ლიზა რაიდერი „ევრიკა მარუს“ კაპიტანი და „ანდრომედას“ მთავარი პილოტი სატვირთო ხომალდის შეუპოვარი და ძალიან საქმიანი კაპიტანი. ყოველთვის ზრუნავს თავისი ეკიპაჟის წევრებზე. არ უყვარს ფოლმალური წესები და ინსტრუქციები. ცხოვრების ძირითადი ნაწილი გაატარა მამამოსის აშენებულ „ევრიკაზე“
„ანდრომედას თანავარკვლავედი“ ლექსა დოიგი ხომალდის ხელოვნური ინტელექტი ხელოვნური ინტელექტი რომელიც მართავს ხომალდის სისტემებს, ასევე მრავალრიცხოვან რობოტებს და ანდროიდებს. ჩნდება ეკრანზე ან ჰოლოგრამის სახით.
რომმი ლექსა დოიგი „ანდრომედას“ ავატარა ავტონომიური ანდროიდი, ფიზიკურად ადამიანის იდენტურია. დილანის ყველაზე ერთგული მეგობარი და თანამებრძოლი.
შეიმუს ჰარპერი გორდონ მაიკლ ვულვეტი მთავარი ინჟინერი გენიალური ინჟინერი და გამომგონებელი[4], გაიზარდა დედამიწაზე, ვერ იტანს მაგოგებს და ნიცშეანელებს. კეთილი და მხიარული ახალგაზრდა, თუმცა უფრო უადვილდება ურთიერთობა კომპიუტერებთან ვიდრე ადამიანებთან. სიამოვნებით დათანხმდა დილანის წინადადებას „ანდრომედაზე“ დარჩენის შესახებ. მან შექმნა რომმი (ხომალდის ავატარა).
ტრენს ჯემინი ლორა ბერტრამი ექიმი ეკიპაჟის ყველაზე ამოუცნობი წევრი. „ანდრომედაზე“ ასრულებს ექიმის მოვალეობას. არ უყვარს ლაპარაკი საკუთარ წარმომავლობაზე.
ტირ ანასაზი (1-4 სეზონი) კიტ ჰამილტონ კობი შეიარაღების ოფიცერი ნიცშეანელი, ეგოისტი და ძალიან ჭკვიანი, ყოველთვის წინასწარ თვლის ყოველ მოქმედებას და მოქმედებს მხოლოდ საკუთარი ინტერესებიდან გამომდინარე.
ბემი (1-2 სეზონი) ბრენტ სტეიტი ოფიცერი მეცნიერების დარგში ზალიან გონიერი მაგოგი, პაციფისტი, გაურბის ყოვალგვარ ძალადობას. ხშირად გამოდის მრჩევლის როლში დანარჩენი ეკიპაჟის წევრებისთვის.
ტელემახ რეიდი (4-5 სეზონი) სტივ ბაკიჩი შეიარაღების ოფიცერი ეკიპაჟის მეორე ნიცშეანელი წევრი, გაჰეიის რეიდის შთამომავალი („ანდრომედას“ ყოფილი პირველი ოფიცერი, რომელმაც ნიცშეანელთა თავდასხმისას უღალატა დილანს). თავიდან სკეპტიკურად იყო განწყობილი თანამეგობრობის აღდგენის იდეის მიმართ. მოგვიანებით აზრი შეიცვალა და შეუერთდა „ანდრომედას“ ეკიპაჟს.
დოილი (5 სეზონი) ბრენდი ლედფორდი „ანდრომედას“ მეორე ავატარა ანდროიდი რომელიც შექმნა ჰარპერმა მას შემდეგ რაც რომმი განადგურებულ იქნა ბრძოლაში. თავდაპირველად დაპროგრამებული იყო რომ საკუთარი თავი ადამიანად ჩაეთვალა. რომმის აღდგენის შემდეგ რჩება „ანდრომედას“ ეკიპაჟში

იხილეთ აგრეთვე[რედაქტირება]

ჯინ როდენბერი

რესურსები ინტერნეტში[რედაქტირება]

სქოლიოს სია[რედაქტირება]