ანა ფერისი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
ანა ფერისი
Anna Faris - Guardians of the Galaxy premiere - July 2014 (cropped).jpg
დაიბადა ანა კეი ფერისი
29 ნოემბერი, 1976
ბალტიმორი
მერილენდი
აშშ
საქმიანობა მსახიობი
მომღერალი
აქტიური 1991–დღემდე
მეუღლე(ები) ბენ ინდრა (2004–2008)
კრის პრეტი (2009-დან)
შვილ(ებ)ი 1

ანა კეი ფერისი (ინგლ. Anna Kay Faris; დ. 29 ნოემბერი, 1976) — ამერიკელი მსახიობი და მომღერალი. ცნობილია კომედიური როლებით ფილმებში: „ძალიან საშიში კინო“, „თარგმანში დაკარგული“, „ბიჭებს ეს მოსწონთ“, „ჩემი სუპერ ექს-გოგონა“, „რამდენი გყოლია...?“, „დიქტატორი“, „ერთ წელიწადს გაძლევ“ და სხვა.

ბიოგრაფია[რედაქტირება]

დაიბადა ქალაქ ბალტიმორში. როდესაც 6 წლისა იყო ოჯახთან ერთად საცხოვრებლად ქალაქ ედმონდსში გადავიდა. მამამისი ჯეკ ფერისი მუშაობდა სოციოლოგად ვაშინგტონის უნივერსიტეტში და იყო იმავე უნივერსიტეტის შიდა კომუნიკაციების ვიცე-პრეზიდენტი, ხოლო მოგვიანებით ვაშინგტონის ბიოტექნოლოგიისა და ბიოსამედიცინო ასოციაციის ხელმძღვანელი; დედამისი — კარენი ედმონდსის სკოლის მასწავლებლად მუშაობდა. ფერისს ჰყავს უფროსი ძმა რობერტი, რომელიც პროფესიით სოციოლოგია და არის კალიფორნიის უნივერსიტეტის პროფესორი. ანა ფერისმა 9 წლის ასაკში სიეტლის თეატრში ითამაშა თავისი პირველი როლი. ედმონდსის საშუალო სკოლის დამთავრების შემდეგ ჩააბარა ვაშინგტონის უნივერსიტეტში, სადაც სწავლობდა ლიტერატურას.

1999 წელს მიიღო პირველი მნიშვნელოვანი როლი ფილმში „შეყვარებულთა შესახვევი“. 2000 წელს ითამაშა ფილმში „ძალიან საშიში კინო“. არაერთი ჟურნალის გარეკანზე გამოჩნდა, მათ შორის იყო „Raygun“, „Playboy“, „Self“, „Cosmopolitan“ და სხვა.

ერთ დროს ქორწინებაში იმყოფებოდა ბენ ინდრასთან. 2009 წლიდან ქორწინებაში იმყოფება კრის პრეტთან.

რესურსები ინტერნეტში[რედაქტირება]