ალექსი ინაური

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
ალექსი ინაური

ალექსი ნიკოლოზის ძე ინაური (დ. 29 აპრილი/12 მაისი, 1908, გორი, — გ. 23 ივნისი, 1993, თბილისი) — საბჭოთა გენერალ-პოლკოვნიკი (1967), საბჭოთა კავშირის გმირი (1985). სკკპ წევრი 1932-იდან.

ბიოგრაფია[რედაქტირება]

1927 წელს მოხალისედ შევიდა წითელ არმიაში. 1931 წელს დაამთავრა წითელ მეთაურთა ჩრდილო კავკასიის მთიელ ეროვნებათა საკავალერიო სკოლა. მეორე მსოფლიო ომის წინ იყო კიევის განსაკუთრებულ სამხედრო ოლქში საკავალერიო პოლკის მეთაური. დიდი სამამულო ომის დაწყებისას ინაური სსრკ-ის დასავლეთ საზღვარზე (ქ. ლვოვის რაიონში) ჩაება ბრძოლებში, დაინიშნა დივიზიის მეთაურის მოადგილედ. 1942 წლის იანვრიდან - სამხრეთ-დასავლეთ და სამხრეთ ფრონტებზე მოქმედი 34-ე დივიზიის მეთაურად. შემდეგში მეთაურობდა I საკავალერიო დივიზიას. ომის დროს მონაწილეობდა მთელ რიგ თავდაცვითსა და შეტევითს ოპერაციებში. 1948 წელს, გენშტაბის აკადემიის დამთავრების შემდეგ, იყო სხვადასხვა შენაერთის მეთაური. 1953-1954 საქართველოს სსრ შინაგან საქმეთა მინისტრი. 1954 წლიდან 1986 წლამდე საქართველოს სსრ სახელმწიფო უშიშროების კომიტეტის თავმჯდომარე; 1953 წლიდან საქართველოს კომუნისტური პარტიის ცენტრალური კომიტეტის და მისი ბიუროს წევრია. სკკპ XX-XXV ყრილობების დელეგატი. სსრკ IV-X მოწვევების უმაღლესი საბჭოს დეპუტატი. დაჯილდოებულია ლენინის ორდენით, ოქტომბრის რევოლუციის, 2 წითელი დროშის, 2 წითელი ვარსკვლავის ორდენითა და მედლებით, აგრეთვე რიგი სოციალისტური ქვეყნების ორდენებითა და მედლებით. გარდაიცვალა ქ. თბილისში 85 წლის ასაკში.

ლიტერატურა[რედაქტირება]