ალექსანდრე ვინოგრადოვი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება

ალექსანდრე ვინოგრადოვი

ალექსანდრე ვინოგრადოვი
ალექსანდრე ვინოგრადოვი
დაბადების თარიღი 9 (21) აგვისტო 1895
დაბადების ადგილი პეტერბურგი
გარდაცვალების თარიღი 16 ნოემბერი 1975
გარდაცვალების ადგილი მოსკოვი
მოქალაქეობა დროშა: სსრკ სსრკ
სამეცნიერო სფერო გეოქიმია
ალმა-მატერი სანქტ-პეტერბურგის სახელმწიფო უნივერსიტეტი
ჯილდოები და პრემიები ლენინის სახელობის პრემიის ლაურეატი,
ლენინის ორდენი და სხვ.

ალექსანდრე პავლეს ძე ვინოგრადოვი (რუს. Виноградов, Александр Павлович; დ. 9 (21) აგვისტო 1895, პეტერბურგი — გ. 16 ნოემბერი 1975, მოსკოვი) — რუსი გეოქიმიკოსი. სსრკ მეცნიერებათა აკადემიის აკადემიკოსი (1953). სსრკ მეცნიერებათა აკადემიის ვიცე-პრეზიდენტი. სსრკ მეცნიერებათა აკადემიის ვლადიმერ ვერნადსკის სახელობის გეოქიმიისა და ანალიზური ქიმიის ინსტიტუტის დირექტორი (1947 წლიდან). სსრკ მეცნიერებათა აკადემიის ვლადიმერ ვერნადსკის სახელობის გეოქიმიური პრობლემების ლაბორატორიის დირექტორი (1945 წლიდან).

მოსკოვის უნივერსიტეტის გეოქიმიის კათედრის გამგე (1953 წლიდან).

ბიოგრაფია[რედაქტირება]

ალექსანდრე ვინოგრადოვმა დაამთავრა სამხედრო-სამედიცონო აკადემიის და ლენინგრადის უნივერსიტეტის ქიმიური ფაკულტეტი (1924). იყო ცნობილი ბუნებისმეტყველის ვლადიმერ ვერნადსკის მოწაფე და უახლოესი თანამშრომელი.

ვინოგრადოვის გამოკვლევები მოიცავს გეოქიმიის, ბიოგეოქიმიის და კოსმოქიმიის მრავალ საკითხს. დიდი ღვაწლი მიუძღვის დედამიწის მეცნიერებათა დარგების (გეოქიმიის, ბიოგეოქიმიის, რადიოგეოლოგიის, ჰიდროგეოლოგიის და სხვ.) განვითარების საქმეში. აგრეთვე დიდი ღვაწლი მიუძღვის იზოტოპების გეოქიმიის განვითარების, მთვარის ქიმიური და მინერალური შედგენილობისა და ვენერას ატმოსფეროს ქიმიური შედგენილობის განსაზღვრაში. იგი იყო ყოფილ სსრკ-ში ატომური მრეწველობის შექმნის უშუალო მონაწილე, ჟურნალ „გეოხიმიის“ და სსრკ ლითოლოგიურ-პალეოგეოგრაფიული რუკების 4-ტომიანი ატლასის მთავარი რედაქტორი (1967-1968 წწ.).

ალექსანდრე ვინოგრადოვი იყო პაგუოშის კონფერენციის წევრი (1958 წლიდან), საზღვარგარეთის რამდენიმე აკადემიის წევრი, გეოქიმიისა და კოსმოქიმიის საერთაშორისო ასოციაციის საპატიო პრეზიდენტი.

ვ.ი. ლენინის სახელობის პრემიის ლაურეატი (1934), სსრკ სახელმწიფო პრემიის (სამგზის) და ლენინური პრემიის ლაურეატი. დაჯილდოებულია 6 ლენინის ორდენით, სხვა ორდენებითა და მედლებით.

თხზულებები[რედაქტირება]

  • Химический элементарный состав организмов моря, ч. 1—3, М. — Л., 1935—44;
  • Геохимия редких и рассеянных химических элементов в почвах. 2 изд., М., 1957;
  • Химическая эволюция Земли, М., 1959;
  • О происхождении вещества земной коры, "Геохимия", 1961;
  • Химия планет, в сб.: Наука и человечество, М., 1969.

რესურსები ინტერნეტში[რედაქტირება]

ლიტერატურა[რედაქტირება]