ალბა-იულია

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
ქალაქი
ალბა-იულია
Alba Iulia
AlbaIulia VedereGenerala.jpg
დროშა გერბი
დროშა გერბი
ქვეყანა რუმინეთის დროშა რუმინეთი
ჟუდეცი ალბა
კოორდინატები 46°04′01″ ჩ. გ. 23°34′12″ ა. გ. / 46.06694° ჩ. გ. 23.57000° ა. გ. / 46.06694; 23.57000
ქალაქის მერი მირჩა ჰავა
ფართობი 103.65 კმ²
მოსახლეობა 58,681 კაცი (2011)
დროის სარტყელი UTC+2, ზაფხულში UTC+3
ოფიციალური საიტი http://www.apulum.ro

ალბა-იულია მდებარეობა რუმინეთი

Red pog.svg
ალბა-იულიის მართლმადიდებელი ტაძარი

ალბა-იულია (რუმ. Alba Iulia, გერმ. Karlsburg, უნგრ. Gyulafehérvár) — ტრანსილვანიისა და რუმინეთის ერთ-ერთი ყველაზე ისტორიული ქალაქი. განლაგებულია ალბას ჟუდეცში, მდინარე მარუშზე, ბუქარესტისგან ჩრდილო-დასავლეთით 270 კმ-ით დაშორებული. მოსახლეობა — 66 369 ად. (2002 წელი).

ისტორია[რედაქტირება]

ანტიკური ხანა[რედაქტირება]

ალბა-იულიას ჰქონდა პოლიტიკური ძალაუფლება უკვე შორეულ წარსულში. ქალაქის სიახლოვეს აღმოჩენილი იქნა ტერტირული წარწერები რომლებიც მარია გიმბუტას აზრით არის მსოფლიოში პირველი ნაწერი. გარკვეული დროის მანძილზე აქ იყო დაკების ტომის სადგომა, რომლის ადგილასაც რომაელებმა თავისი სამხედრო სადგომი — აპულუნი (Apulum) დააფუძნეს. ამ ადგილას ახსენებს პტოლემეც, ხოლო მისი ნაქალაქევი დღევანდელი ქალაქისგან 10 კმ-შია განლაგებული. ამის მეშვეობით ალბა-იულიის მუზეუმი სავსეა არქეოლოგიური აღმოჩენებით.

შუა საუკუნეები[რედაქტირება]

IX—XI საუკუნეებში, რიდესაც ხდება ტრანსილვანიის სლავიანიზაცია, ქალაქი ნახსენებია სლავური სახელით Балград (ბალგრადი) ან Белград (ბელგრადი). ლათინურზე იგი იყო გადათარგმნილი როგორც ალბა-იულია, და ესეთ ფორმაში პირველად გვხვდება 1097 წელს. XI საუკუნიდან იგი უნგრეთის დერჟავას ნაწილი ხდება ისევ სხვა სახელით, ამჯერად მისი სახელი დულაფეხერვარი. XII—XIII საუკუნეებში აღდგა კათოლიკური ეკლესია, რომელიც აღადგინა იანოშ ხუნიადმა; იქვეა დაკრძალული. 1541—1690 იყო ტრანსილვანიის სამთავროს დედაქალაქი, თუმცა მიქაი მამაცმა 1599 წელს შეძლო მოკლე დროით სამივე დუნაის სამთავროს გაერთიანება და ალბა-იულიაში სატახტო ქალაქის შექმნა.

უახლესი ისტორია[რედაქტირება]

XVIII საუკუნეში ავსტრიელმა გაბსბურგებმა გადაწყვიტეს ალბა-იულიის კეთილმოწყობა. იმპერატორ კარლ VI-ის დროს აშენდა ვარსკვლავის ფორმის ციხე სიმაგრე, ხოლო თვითონ ქალაქმა მიიღო გერმანული სახელი კარლსბურგი. 1794 წელს ბატიანის ეპისკოპოსის მეურვეობით გაიხსნა რუმინეთში პირველი ბიბლიოთეკა, რომლის მარგალიტად ითვლება ლორშის დიდი კოდექსი, რომელიც შეიქმნა კარლის დროს.

1918 წლის 1 დეკემბერს ალბა იულიაში გამოცხადდა ტრანსილვანიისა და რუმინეთის შეერთება, ხოლო 4 წლის შემდეგ მეფე ფერდინანდ პირველი გახდა გაერთიანებული სახელმწიფოს მონარქი.

დემოგრაფიული მონაცემები[რედაქტირება]

1891 წელს ქალაქის მოსახლეობა შეადგენდა 8,167 მაცხოვრებელს, საიდანაც 3,482 იყო უნგრელი (42.63%), 3,426 რუმინელი (41.94%) და 867 გერმანელი (10.62%).[1]

1910 წლიდან მოსახლეობის რაოდენობა გაიზარდა 11,616 - მდე. მათგან 5226 იყო უნგრელი (45%), 5,170 რუმინელი (44.51%) და 792 გერმანელი (6.82%).[2]

1930 წლისთვის გამოკითხვის მიხედვით მოსახლეობის 38.3% იყო ორთოდოქსი რუმინელი, 21.4% აღმოსავლეთ კათოლიკე რუმინელი, 14.9% რეფორმატორი, 10.5% კათოლიკე, 7.2% ლუთერანი, 6.5% იუდეველი.[3]

2011 წლის გამოკითხვის მიხედვით, ქალაქის მოსახლეობა შეადგენდა 58,681-ს. მათგან 95.3% იყო ეთნიკური რუმინელი, 3.2% ბოშა, 1.9% უნგრელი და 0.2% გერმანელი.

რესურსები ინტერნეტში[რედაქტირება]

Commons-logo.svg
ვიკისაწყობში? არის გვერდი თემაზე:

სქოლიო[რედაქტირება]

  1. Gyulafehérvár. A Pallas nagy lexikona. Hungarian Electronic Library (MEK).
  2. Gyulafehérvár. Révai Nagylexikona, vol. 9. p. 237. Hungarian Electronic Library.
  3. Recensământul general al populaţiei României din 29 Decemvrie 1930, vol. II, p. 522.