ავარაირის ბრძოლა (სომხ.Ավարայրի ճակատամարտ, აგრეთვე ცნობილი როგორც ვარტანანცის ბრძოლა, სომხ.Վարդանանց Պատերազմ) — სომხეთის ისტორიაში ერთ-ერთი უდიდესი ბრძოლა (26 მაისი, 451).
ბრძოლა წარმოებდა ავარაირის ველზე ვასპურაკანში სომეხ აჯანყებულებსა და მათ სასანიანთა მმართველებს შორის. სომხებს წინამძღოლობდა ვარდან მამიკონიანი, სპარსელებს — მუშკან ნისალავურტი. მიუხედავად იმისა, რომ ბრძოლაში სპარსელებმა გაიმარჯვეს, სომხებმა რელიგიური აღმსარებლობის თავისუფლება მოიპოვეს.